බූරු සෝමෙ අයියාගේ කලාබර ආත්මය

ඇත්තමයි නංගියේ
කළු කලාබර වගේමයි
කළු ම කළු පපුව
මේ සෝමෙ අයියගේ
ඒ වුණත් ලස්සනයි හදවත
හාරත ආසියා වගේ
උඹ නැති ජීවිතෙත්
හිස් ආසියා වගේ
කෝං ගහ යට
අපේ බූරුව පොළේ
ජේන් අක්කා
තෝන් ඉල්ලන වෙලාවේ
ගෙයි ජනේලෙන්
නුඹ එබී බැලුවේ
ඒ වෙලාවෙම පොරොව හාරත
පැදුර පිට පෙරළී
මට දිනුම ලැබුණේ
එදා ඉඳලම
ඒ කොලේටම
මං ආස කරුවේ
මූණ රතුවී
ඇයි ද අමනාපයෙන්
ඇත්තමයි උඹ
ඒ පොරොවමයි දැන්
මට ම කිව්වාට කවුරුත්
බූරුවා සෝමේ
බූරුවා කොළ කුට්ටමක්මයි
මේ සමාජෙත් නංගියේ
ඒකෙ ඉන්නා රුයිත බූරුවො
උඹට වහ වැටිලා
ඒත් උඹ නම් රවටන්න බෑ
ඒක නම් සත්තා
මටත් ජෝකර් කොළේ පෙන්නා
උඹ අහක බැලුවා
කාටවත් බහ නොදී තනියම
සෙව්වාට පීරා
නංගියේ බූරුව පොළේ නෑ
උඹ සොයන හේරා

(‘හෝඩිපොතේ මනමාලි’ කාව්‍ය සංග්‍රහයෙන්)